බාඳුරා අසපුව ... !!



බවුන් වඩන්නට ..

සොයා ගිය අසපුව ..
ලේ මස් නහර ..
මටත් නොදැනිම ..
හූරා උරා ගත් ..
බාඳුරා අසපුවක් වූ කලෙක ..
බිහිවුන අතුරු ඵලයයි ..
බාඳුරා අසපුව ... !!


Thursday, May 26, 2011

දන්න කතාවක් ගැන මගේ කතාව ... !!


කාලෙකින් මුකුත් ලියන්නත් බැරි උනා. අන්තර්ජාලය මට තහනම් කලාපයක්, බොහොම අමාරුයි මගේ මේ හෑලි ලියන්න වෙලාවක් හොයාගන්න. කොහොම උනත් මෙන්න මම ආයෙමත්, පුරුදු විදියට හිට්ලර් චින්තනයත් අරගෙන කතාවක් කියන්න ආවා. ආ .. මේ සමහරුන්ට මගේ blog එක හරි කරදරයක් වෙලාලු .. මෙහෙමයි, URL එක type කලොත් විතරයි මේ blog එක load වෙන්නේ. Auto load වෙන්නේ නෑ තාමත් ;) ඒ නිසා blog එක කියවලා විදවන්නේ නැතුව නොකියවා ඉන්න එක හොදයි එහෙම අය ... :D

හරි දැන් කතාවට එමු. හැමෝම බලලා තියෙනවා නේද කුච් කුච් හෝතා හේ චිත්‍රපටිය? ඔව් මම හිතන්නේ .. මුලින්ම බලපු දවස් වල මමත් පුදුම විදියට ආදරය කල කලා නිර්මාණයක් ඒක. බොලඳ ආදරයක් විස්වාස කරපු කාලේ, හැම බාධාවක්ම දුරු වෙලා වීරයා නිළියව ලබා ගන්නකන් කට ඇරගෙන බලන් ඉදපු කාලේ, අන්තිමේ නලුවයි නිළියයි එකතු උනාම හුරේ දමපු කාලේ මමත් පුදුම ආසාවකින් බලපු චිත්‍රපටියක් කුච් කුච් හෝතා හේ  කියන්නේ ... ඒත් අද ... අද මට ඒ සරල කතාවේ එදා නොදුටු ගොඩක් පැති පේනවා..ඒ නිසා මම ඒ කතාවට වෛර කරනවා.. කොටින්ම එදා ආදරය  කල කතාව මහ කුපාඩි කතාවක් කියලයි අද මට හිතෙන්නේ .. කියන්නම් ඇයි කියලා.. කවුරු එකඟ වුනත් නැතත් හැමදාම කියනවා වගේ මම ලියන්නේ මගේ කතාව :)

හින්දි සිනමා වට්ටෝරුවේ හම ගහපු කතා තේමාවක් අරගෙන ආපු කුච් කුච් හෝතා හේ කියන්නෙත් සාමාන්‍ය තුන්කොන් ප්‍රේම කතාවක් විදියටයි හැමෝම දැක්කේ. රාහුල්,ටීනා සහ අංජලී. මෙතනයි පළවෙනි වැරැද්ද... කතාවේ චරිත තුනක් නෙමෙයි හතරක් තියෙනවා .. කෝ අමන් ..කෝ ඇත්තටම ආදරය කල කොල්ලා ..එයාව අමතකයි හැමෝටම .. මේක තුන් කොන් ප්‍රේමයක් නෙමෙයි..මේක හතරකොන් ප්‍රේමයක් ... ඒ පදනමේ ඉදගෙන මගේ කතාව අහන්න ..

අංජලී ... සුපුරුදු පරිදි පණ එපා කියලා කොල්ලට ප්‍රේම කරන කෙල්ල ..අදටත් වලංගු චරිතයක්.. ඇත්ත ජීවිතයෙත්  ගොඩක් ප්‍රේම කතා වල අදටත් කෙල්ල පණ නහගෙන ප්‍රේම කරනවා කොල්ලා රට වටේ කෙල්ලොත් එක්ක නැටුවට... (ඔන්න මගේ මොලේ විකල් වේගෙන එනවා ... හුස්ම ඉහලට ..හුස්ම පහලට ... සීයේ ඉදන් එකට ආපස්සට .. 100, 99,98 ...... ... හරී ) අංජලී ගැනනේ කිය කිය හිටියේ ... රාහුල් සෙල්ලම් කරලා එනකන් වතුර බෝතලේ තියාගෙන ඉන්නේ අංජලී  ... රාහුල්ට ගෙදර වැඩ ටික කරලා දෙන්නේ අංජලී  ... කොටින්ම රාහුල් ශරීර කෘත්‍ය කලාම අදාල ප්‍රදේශය හෝදල දෙන එක ඇරුනම අනිත් හැම දේම කරන්නේ අංජලී ... රාහුල්ටත් අංජලීගෙන් තොර ලොවක් නෑ.. බොහොම ලස්සනට මලක් වගේ කතාව ගලාගෙන යනවා :)

ඔය අතරේ එනවා ටීනා.. කොටට අදින, රූපලාවන්‍ය පිළිබද ඩිප්ලෝමාධාරි හැමෝගෙන සිහින කුමරිය ... රාහුල්ට දැන් අංජලී අමතකයි ... දැන් රාහුල්ගේ මුලු ලෝකෙම ටීනා විතරයි ... ඒත් අංජලී මී හරකියෙක් වගේ තාමත් රාහුල්ට වතුර අදිනවා .. එදා මම ඒක දැක්කේ නෑ.. දැක්කේ ටීන කොයි තරම් ලස්සනද කියලා විතරයි..ඒත් අද මට පේන්නේ ටීනටයි රාහුල්ටයි වතුර අදින අංජලීව විතරයි ... කොහොමින් කොහොමින් හරි .. අංජලීටත් ටික ටික තේරෙනවා රාහුල් දුරස් වෙනවා කියලා. අංජලීට තේරුම් ගන්න බෑ කොතනද වැරදුනේ කියලා..තමන්ගේ ආදරේ වැරැද්ද හොයාගන්න බැරි උනු තැන අංජලී හිතනවා ටීනා වගේ වෙන්න ... ඉතින් එහෙන් මෙහෙන් පාට උලාගෙන ..ඇගට හිර ඇදුමක් ඇදගෙන එනවා රාහුල්ට පේන්න, එතකොටවත් රාහුල්ට අංජලී ව මතක් වෙයිද බලන්න. රාහුල් හිනා වෙනවා..බඩ අල්ලගෙන දෙකට නැමිලා හිනා වෙනවා .. රාහුල් විතරක් නෙමෙයි.. චිත්‍රපටිය බලපු මමත් හිනා උනා ... ඉතිං ටීනාට සිද්ද වෙනවා රාහුල්ට කියන්න එහෙම හිනා උනු එක වැරදි කියලා.. හිතලා බලන්න.. ටීනා ද රාහුල් ද අංජලී ගැන දන්නේ?.. අංජලී හිටියේ කාත් එක්කද?  ටීනා එක්කද රාහුල් එක්කද? ඒත් අන්තිමේ අංජලී ට හිතෙන හැටි සහ අංජලී ට හිනා වෙන එක වැරදී කියල ටීනා යි රාහුල්ට කියලා දෙන්නේ .. කොයි තරම් කුපාඩියෙක්ද රාහුල් ? අනික් අතට රාහුල් හිනා වෙන්නේ කාටද? අංජලී ටද නැත්නම් අංජලී ගේ ආදරේටද? මට හිතෙන්නේ, රාහුල් හිනා වෙන්නේ තමන්ටමයි ... තමන්ගේ නොලැබීමට තමන් පයින් ගහපු ආදරේටයි රාහුල් හිනා වෙන්නේ.

තමන්ගේ ප්‍රේමය ප්‍රකාශ කරන හැටි පුහුනු වෙන්නත් රාහුල් තෝර ගන්නේ අංජලීව..මොකද රාහුල්ගේ සෙල්ලම් භාණ්ඩේ අංජලී නිසා.වැස්ස නිසා අංජලීගේ කදුලු පේන්නේ නැති බවයි චිත්‍රපටියේ නිශ්පාදකතුමා පෙන්නන්නේ.. ඒත් ඒ වැස්සෙම රාහුල් ඇඩුවා නම් අංජලී ට ඒ කඳුලු නොපෙනී තියෙන එකක් නෑ කියලයි මම හිතන්නේ.කොහොම හරි අංජලී යනවා.. රාහුල්ටයි ටීනටයි සුභ පතලා යන්නම යනවා. සින්දු සහ ආදර ජවනිකා පේලියකින් පස්සේ රාහුල් ටීනාව විවාහ කරගෙන ලමයි හදාගෙන හොද සතුටින් ඉන්නවා ... කොයිම වෙලාවකවත් අංජලීව මතක් වෙන්නේ නෑ රාහුල්ට. අංජලී අතීත‍යට එකතු වෙනවා .. 

ටීන මැරෙනවා .. රාහුල් දැන් තනියෙම.. ඔන්න දැන් තමයි අපේ වීරයට අංජලීව මතක් වෙන්නේ. එදා මට හිතුනේ රාහුල් අංජලීව හොයාගෙන එන්නේ ඇත්ත ආදරය නිසා කියලා..ඒත් අද මට හිතෙන්නේ රාහුල්ට අංජලීව ඕන වෙන්නේ තමන් තනි උනු නිසා විතරයි කියලයි. ටිනා මැරුනේ නැත්නම් අංජලී කියලා කෙනෙක් හිටියා කියලා රාහුල්ට කවදාවත් මතක් වෙන්නේ නෑ. අංජලී තාමත් ඕනි උනාම ලගට ගන්න එපා උනාම විසි කරන සෙල්ලම් බඩුවක් විතරයි. ඒත් අංජලී .. ඒ මුලු කාලය පුරාම තමන්ට ගොඩක් ආදරේ කරන අමන් ලගින් හිටියත් හැමදාමත් රාහුල්ට හිතෙන් ආදරය කර කර දුක් විදිනවා.රාහුල් ළමයි හදාගෙන ජොලියෙන් ඉන්න අතරේ අංජලී රාහුල්ට තිබුනු ආදරේ නිසා හිතෙන් දුක් විදිනවා..අසාධාරනයි ... !!

එක එක දේවල් වෙනවා.. අඩනවා.. වැලපෙනවා.. සින්දු කියනවා...අන්තිමේ අංජලී රාහුල් එක්ක එකතු වෙනවා.. මට පෙන්නන්නම බැරි කොටස.. කව්ද අංජලීට ඇත්තටම ආදරේ..? කොට සායට අංජලීව අතෑරපු රාහුල් ද.. නැත්නම් අංජලීගේ දහසක් ප්‍රතික්ෂේප කිරීම් මැද්දේ එක මොහොතක් හරි කවදා හරි අංජලී තමන්ට ආදරේ කරයි කියල හිතාගෙන සීමා රහිත ආදරයක් දුන්නු අමන් ද? අමන් .. අමන් තමයි අංජලී ට ආදරේ.. රාහුල්ට වගේ, අංජලී අමන්ගේ second choice එක නෙමෙයි... එහෙමත් නැත්නම් IF cases ගනනාවකට පස්සේ execute වෙන default case එක නෙමෙයි... ඒත් අංජලී ඒ ආදරයට පිටු පානව. මොන තරම් දුෂ්ටකම් කලත් තමන්ගේ ආදරේ වෙනුවෙන් අංජලී තමන්ට ඇත්තටම ආදරේ කරන කෙනාට පිටුපානවා.. මට දුකයි අංජලී ගැන.. මම එදත් ඇඩුවා අමන් අංජලී ව රාහුල්ට බාර දුන්නම..හැබැයි ඒ ඇඩුවේ වීරයයි කෙල්ලයි එකතු උනු සතුටට.. මම අදත් අඩනව.. හැබැයි අද අඩන්නේ අංජලී ගැන දුකට.. අංජලී කොයි තරම් පහත් තත්වෙකට වැටිලද කියන දුකට.එපා කියල පයින් ගහල ගිය මිනිහා.. තමන් තනි උනාම ..තමන්ගේ වාසියට හොයාගෙන ආවම..හැම දේම අමතක කරලා ඒ මිනිහත් එක්ක සතුටින් යන්න තරම් නීච උනු අංජලී ගේ ආත්මය ගැන දුකටයි මම අද අඩන්නේ ...

මේ post එක ඒ තරම් ලස්සන නැතුව ඇති. වැඩිය සාහිත්‍ය කෑලි එහෙමත් නෑනේ.ඒත් මට මගේ කතාව කියන්න ඕනි වෙලා හිටියා ගොඩ කාලෙක ඉදලා..ඉතින් මම කිව්වා :) ආ..දවසක් මේ කතාව මම කෙනෙක්ට කිව්වම ඒ කෙනා කිව්වා රාහුල් අංජලීව අතෑරලා ටීනා ට ලංවෙන්නේ අංජලී රාහුල්ට ඕනි විදියේ ස්වරූපයකින් ඒ වෙද්දී හිටියේ නැති නිසයි කියලා .. කොට සාය ගැන වෙන්න ඇති කියන්න ඇත්තේ ... එහෙනම් ... අංජලී ගේ ජීවිතේ තවත් අනතුරේ .. අමන්ගෙනුත් උදුරගෙන බැඳගෙන අරගෙන ගියාට .. ඊට වඩා ලලනා විදියට ඇදගෙන ඉන්න වෙන කෙනෙක් යන අතරමග දැක්කොත් රාහුල් අංජලී ව මහ පාරේ දාලා ඒ ගෑනිත් එක්ක යයි නේද .... තේරුමක් නෑ.. වතුර ඇදපු, ගෙදර වැඩ කරල දීපු, කුදු මහත් හැම දේම තමන්ගේ දෙයක් වගේ කරල දීපු අංජලී ට වඩා කොට සාය ඇදගෙන ආපු හීන කුමාරි ලොකු උනු, අංජලී ගේ ආදරේ සත පහකට ගනන් නොගෙන ඒ ආදරේට පයින් ගහල පොඩි පට්ටම් කරල දාල ගියපු, ආපහු ආදරයක් දෙන්න බැරි නම් ඒක හරියට කියල හිත හදල නොගිහිපු, රාහුල්... කුපාඩියෙක් විතරමයි ... එච්චරයි ... ඒත් රාහුල් හැමදාමත් සතුටින් ..එක්කෙනෙක් යද්දි එක්කෙනෙක්. කවදාවත් තනිකමක්,දුකක්, පාලුවක් නෑ ... අසාධාරණයි .. !!!! 



මමත් අංජලී කෙනෙක් ... 
තාමත් ... මම අඬනවා .. 
ඒ අංජලී ගැන දුකට .. 
මම ගැන දුකට ... 
මගේ නීච ආත්මේ ගැන දුකට ... !!


 

11 comments:

  1. thumbs upppppp !!!! :) :)

    ReplyDelete
  2. I think u can understand the situation of anjali n aman!!! so if u r a anjali u shud stop thinking about that bloody stupid, self centered bustard... move on... may be your aman is waiting for you out there.... n there's a saying "Don't hold to anger, hurt or pain. They steal your energy and keep you from love." so move on!!! love u always n forever!!! <3 <3 <3

    ReplyDelete
  3. thumbs up... and by the way Harry is correct,,, if you think that you are a Anjali...and if you think that what happened at the end of the movie "Kuch kuch hota hai" is unfair, don't allow yourself to act like that...I think if you changed the end of the story then you'l be luckier than Anjali....take care my dear!!!! :)

    ReplyDelete
  4. This comment has been removed by the author.

    ReplyDelete
  5. Today... You have shown me a side that i never thought... a side that i never figured out... Yes, i was also happy when Anjali and Rahul got together at the end... but now i feel that it was wrong... that shouldn't happend... Hmmm... I'm not going to comment about your situation sis coz i have already said what i have to say and sis you should move on ma friend... one last thing, about this post...this one of the best i have read in blog posts... keep it up sis...!!!

    ReplyDelete
  6. Hey Patch(Harry),u r 100% correct...
    Wasana mats....move on..ur Aman s waiting for u anywhere...search for him..don't be another Anjali..
    Love ur writing...

    ReplyDelete
  7. Thanx .. YeaH Aman May be waiting ..But I AM AN ANJALI DeaR .. I will not go with Rahul either..i l not go with anyone :)

    ReplyDelete
  8. ane mee magen ahaganna thamai oya hadanne >:(

    ReplyDelete
  9. වැස්ස නිසා අංජලීගේ කදුලු පේන්නේ නැති බවයි චිත්‍රපටියේ නිශ්පාදකතුමා පෙන්නන්නේ.. ඒත් ඒ වැස්සෙම රාහුල් ඇඩුවා නම් අංජලී ට ඒ කඳුලු නොපෙනී තියෙන එකක් නෑ කියලයි මම හිතන්නේ.Like!

    ReplyDelete