බාඳුරා අසපුව ... !!



බවුන් වඩන්නට ..

සොයා ගිය අසපුව ..
ලේ මස් නහර ..
මටත් නොදැනිම ..
හූරා උරා ගත් ..
බාඳුරා අසපුවක් වූ කලෙක ..
බිහිවුන අතුරු ඵලයයි ..
බාඳුරා අසපුව ... !!


Friday, April 27, 2012

~ මන්දාරම සහ නුඹ ~

සෙනසුරාදා.. හැමදෙනෙක්ම බලාගෙන ඉන්නේ සති අන්තය එනකන් උනත් මට සති අන්තය කියන්නේ මහා භයානක හීනයක්.. සතිය පුරාවට එක සීරුවට වැඩ කරගෙන හිතට එන්න නොදී වැටක් බැඳලා තියෙන දහසකුත් එකක් මතක සති අන්තය එනකන් බලගෙන ඉන්නේ මගේ හිත බදු ගන්න. සෙනසුරාදා ඉරිදා දවස් දෙක පුදුම තරම් දිගයි.. අවුරුදු ගානක මතක මොලේ ආක්‍රමනය කරකොට හිතෙන්නෙම ඔලුව  පිපිරිලා මැරිලා යනව නම් කොච්චර එකක්ද කියලයි වෙලාවකට... 

කොහොම හරි.. අදට මගේ බ්ලොග් එකට අවුරුද්දයි :) 
එල්ලයක් නැති ලියමනකින් අවුරුද්ද සමරන්න හිතුවා.. කොහෙන් පටන් ගත්තත් හැමදාම නවතින තැනටම ඇවිත් නතර වෙයි ... බලමු ...

වැස්ස ... හැමෝම ජීවිතේ කොයියම්ම කාලෙක හරි ආදරය කල ... හැමෝටම කොයියම්ම විදියකට හරි දැනෙන අපූර්ව ස්වභාවික සංසිද්ධියක් ... මුහුදු වෙරලක නැත්නම් තැනිතලාවක ඉදගෙන වැස්ස දිහාව බලාන ඉන්න ඇත්නම් කියලා හිතිලා තියෙනවා නේද ...
ඒත් ... කවමදාවත් හිතිලා තියෙනවද මහ නගරක් මැද ඉදගෙන වැස්ස දිහාව බලාන ඉන්න ඕන කියලා.. මම හිතන්නේ නෑ... පාලු බිමකට වගේම මහ නගරෙකට වහින වැස්ස දිහාත් ටික වෙලාවක් බලාගෙන ඉන්න .. ඒ වෙලාව කවදාවත් අපතේ යන්නේ නෑ... 

මම වැස්ස දිහා බලාගෙන හිටියා .. මෙන්න මගේ ලියමන ... 



වීදුරු කවුලුවෙන් පේන කොටුව නගරය දිහා මම බලාගෙන උන්නෙමි.ලඟ ලඟ එන වැස්සට කලියෙන් තම තමන්ගේ ගමනාන්ත කරා දුවන මිනිසුන්ගේ හිස්ගෙඩි නලියන කුහුඹු රැලක් මෙන් මට පෙනේ.. කොයිතරම් නම් කතා ගොඩක් ඒ මිනිසුන් ලග ඇත්ද.. කෙනෙක් රැකියාවට යනවා වෙන්න ඇති .. තවත් කෙනෙක් කාව හරි මුණගැහෙන්න යනවා ඇති ... අවුරුද්දකින් දෙකකින් එහෙමත් නැත්නම් කල්පකාලන්තරේකින් හමු නොවුනු කෙනෙක් බලන්න යනව වෙන්න ඇති ... තවත් සමහරු ඉබාගතේ යනව වෙන්නත් පුලුවන් ... හැම මනුස්සයා ගාවම එක කතාවක් ඇති,එයාම විතරක් දන්න... වැස්ස ඒ ගොඩක් දෙනෙක්ට බාධාවක් වෙලා වගේ.. මන්දාරම් අහස දිහා කෝපයෙන් මිස ආදරෙන් බලන ඇස් දෙකක් නැති ගානයි ... 

වැඩ වලින් මොහොතකට මිදුනු මම උදේ ඉදන් පත්තු වෙන පරිගනක තිරය නිවා දමලා වීදුරු කවුලුවට නහය ඔබාගෙන ඇස් දෙක කවුලුවේ අලවගත්තේ ඒ මිනිස් ගංගාවට එපිටින් පෙනෙන වරාය දිහා බලන්න ... වරායට නැවක් ඇවිත් .. වැහි අඳුර අතරින් පේන පාට පාට විදුලි බුබුලු සිය දහස් ගානකින් එලිය උනු නැව අතරමං උනු විසාල මාලුවෙක් වගෙ ... වරායට පහල පාරේ දුවන මිනිස් ගඟ පසුබිමේ පේන යකඩ දොඹකර වලින් වට උන වරායත් ... තනියෙම මූදු රැල්ලට උඩ යට යන සුදු පාට නැවත් ... ඒ හැමදේටම පසුබිමින් මන්දාරම් අහසත් දකින මට නුඹව මතකයට ආවේ ඇයි කියන්න මම තාමත් දන්නේ නෑ.. වීදුරු කවුලුව එපිටින් වැහි බින්දු වලින් තෙමෙද්දි මෙපිටින් කඳුලු වැල් වලින් තෙමෙන හැටි දකින්න නුඹ ලඟ හිටිය නම් කොයි තරම් දෙයක්ද කියලා මට නොහිතුනා නෙමේ .. මම හැමදාමත් ආදරය කරන Wake up Sid චිත්‍රපටියේ බොම්බායේ වැස්ස ගැන කියවෙන අන්තිම දෙබස් කීපය කනට මුමුනන්න නුඹ මෙතන හිටිය නම් ...

මගේම ප්‍රශ්වාස වාතයෙන් මීදුම් රටා මැවුනු, නහය ඔබාගෙන හිටි තැන විහිලු සහගත රවුමක් ඇඳුනු, වීදුරු කවුලුවෙන් මම ඈත් උනේ හීනෙට තවත් හීන දකින්න දුන්නොත් මට ඒ හීනෙන් මිදෙන්න බැරිවෙන බව දන්න නිසාමයි ... මේසේ උඩ කප්පරක් වැඩ ගොඩවෙලා ... මූදයි, නැවයි, මිනිස්සුයි, නුඹයි හැම දෙයක්ම ඇස් ඉස්සරහම බොඳ වෙද්දි ආයෙම මගේ පුරුදු රාජකාරියට මම යන්න ඕන ..

මම වැස්සට වෛරකරනවා ... වැස්ස මට නුඹව මතක් කරනවා, වැස්සට, නුඹට ආදරය කරන අයව මතක් කරනව ... ඒ නිසා වැස්ස මට සතුටක් ගේන්නේ නෑ.. 

ඒත් මම වැහි මන්දාරමට ආදරෙයි ... 
වැස්සට තනි රකින ඒ අඳුරු අලු පාටට මම ආදරෙයි .. 
ඒ මන්දාරම පසුබිම් කරගත්තු හැම පින්තූරෙටම මම ආදරෙයි ...  
නුඹ මට ඉතුරු කරල ගිය මන්දාරමට මම හැමදාමත් ආදරෙයි ... !!



8 comments:

  1. ඔබේ බ්ලොග් පැංචීට සුභ උපන්දිනයක් .... මම අද තමයි මුලින්ම ඔයාගේ බ්ලොග් එක බැලුවේ. ලස්සනයි ගොඩක්..
    "අතීතය තරම් අපිව අනාගතයට ඇදල විසිකරන වෙන​ කිසිම දෙයක් නැ"

    ReplyDelete
  2. wish u all the very best yaaro...nice post....:P...but i hate rain during da day...:P.

    ReplyDelete
    Replies
    1. Thankuuuu frenthoooo :) yeah.. it sucks whn u get wet in d office suit..apart frm tt its fun :)

      Delete
  3. උපන්දිනේට සුභ පැතුම්.. හැමදාම සුන්දර නිර්මාණ කරන්න හැකි වේවා..

    ReplyDelete
  4. No doubt....The Cutest blog on the block.... I hate what you write about all the time... But I cant ignore, 'cause i love the way you write it.

    ReplyDelete
    Replies
    1. :) Thank YoU HuN .. :) Well I l try to write d HapPy Side also .. But Need some more time ... Love U :*

      Delete